सोलिडारिटी इन्टरनेशनल अमेरिकाद्वारा नयाँ प्रोजेक्ट घोषणा, सहयोगका लागि सबैलाई अपिल

 प्रमोद पौडेल – २८ अक्टोबर, २०१५ – हौस्टन्, टेक्स्सास । अन्तराष्ट्रिय परोपकारी संस्था सोलिडारिटी इन्टरनेशनलको अमेरिका स्थित च्याप्टर सोलिडारिटी इन्टरनेशनल अमेरिकाले नयाँ प्रोजेक्ट घोषणा गरेको छ । टेक्स्सास स्थित आफ्नो कार्यालयमा सोलिडारिटी इन्टरनेशनल बिश्व परिषदका बरिस्ठ उपाध्यक्ष तथा सोलिडारिटी इन्टरनेशनल अमेरिकाका सल्लाहकार केशव सुबेदीको नेतृत्वमा बसेको बिशेष बैठकले वान डलर अ डे फर अरफान्स एजुकेशन इन नेपाल नामक अभियान सन्चालन गर्ने निर्णय गरेको हो ।

बैठकमा सोलिडारिटी इन्टरनेशनल बिश्व परिषदका नर्थ अमेरिका डिरेक्टर तथा सोलिडारिटी इन्टरनेशनल अमेरिकाका सल्लाहकार दमन राज शाही तथा बिश्व परिषदकै फाउन्डेशन डिरेक्टर तथा सोलिडारिटी इन्टरनेशनल अमेरिकाका सल्लाहकार राज शर्माको पनि उपस्थिति रहेको थियो ।

त्यस्तै सोलिडारिटी इन्टरनेशनल अमेरिकाका बरिस्ठ उपाध्यक्ष क्षितिज थापा, उपाध्यक्ष भिम खत्री, सकृय सदस्य कमल कुँवरको सहभागीता थियो भने अन्य पदाधिकारीहरु स्टेट बाहिर रहेको कारण बैठकमा उपस्थित हुन नसकेको जानकारी गराइएको छ । 

सोलिडारिटी इन्टरनेशनल बिश्व परिषदले भुकम्प पछी नेपालमा गरेको राहत तथा पुनर्निर्माण अभियानका निम्ती सोलिडारिटी इन्टरनेशनल अमेरिकाले गरेको आर्थिक सहयोगको उच्च मुल्याङ्कन गर्दै बरिस्ठ उपाध्यक्ष केशव सुबेदीले हाल सन्चालन गर्न लागेको अभियानमा दिनको एक डलर नेपालका अनार्थ बालबालिकाको शिक्षाको निम्ती छुट्याउन आग्रह गरे । अमेरिका बाहेकका देशहरुमा त्यहाँको स्थानिय पैसा अनुसार दिनको १ सन्कलन गर्न सकिने बताए ।

यस अभियानका अभियानकर्ता समेत रहेका सुबेदीले इछुक ब्यक्तीले एक बर्ष देखी पाँच बर्ष सम्म अभियानलाई सहयोग गर्न सक्ने बताउदै बिदेशमा रहेका सोलिडारिटी इन्टरनेशनलका सम्पूर्ण च्याप्टरलाई सहयोगको निम्ती अपिल गर्ने बताए ।

बिदेशमा रहेका प्रत्येक नेपालीले हातेमालो जनाएर सोलिडारिटी इन्टरनेशनलको सामाजिक अभियानलाई सहयोग गरे नेपालका बिभिन्न ग्रामीण जिल्लाहरुमा परोपकारी कामहरु गर्न सकिने सोलिडारिटी इन्टरनेशनल बिश्व परिषदका नर्थ अमेरिका डिरेक्टर दमन राज शाहीले थपे ।

विभेदपूर्ण समाज उन्मूलनको लागि आफुहरुले चलाईरहेको अभियान उत्कृष्ट रहेको भन्दै, सो अभियानलाई थप सहयोग पुर्याउन सबैको आबश्यकता रहेको सोलिडारिटी इन्टरनेशनल बिश्व परिषदका फाउन्डेशन डिरेक्टर राज शर्माले थपे ।

त्यस्तै मुलुक बाहिर छरिएर रहेका सम्पुर्ण समाज-सेवीहरुलाई समेट्ने योजना र प्रवासमा पनि सामाजिक अभियानमा अभिरुचि राख्ने सवैलाई एउटै छातामा समेट्ने हेतुले सोलिडारिटी इन्टरनेशनल अमेरिकाको स्थापना भएको सोलिडारिटी इन्टरनेशनल अमेरिकाका बरिस्ठ उपाध्यक्ष क्षितिज थापाले जानकारी दिए ।

त्यस्तै गरी बैठकले विभिन्न सामाजिक निर्णय गर्दै गुल्मी हराचोउर ४, झारखर्कमा अवस्थित श्री बालबोध निम्न माध्यमिक बिधालयमा डिक्सनेरी बैंक तथा बाल मैत्री पुस्तकालय निर्माणको लागि अभियान चलाउने गर्ने निर्णय गरेको छ ।

साथै बैठकले वान डलर अ डे फर अरफान्स एजुकेशन इन नेपालका अभियानकर्ता द्वय बरिस्ठ उपाध्यक्ष सुबेदी र फाउन्डेशन डिरेक्टर राज शर्मालाई अभियानको सुरुवातमै आर्थिक सहयोगको घोषणा गरेकोमा धन्यवाद प्रकट गरेको छ । सुबेदी र शर्माले बिगत लामो समयदेखी सोलिडारिटी इन्टरनेशनलका सामाजिक अभियानमा आर्थिक सहयोग गर्दै आइ रहेको जनाइएको छ ।

सोलिडारिटी इन्टरनेशनल मलेसिया च्याप्टर पुर्नगठन : अध्यक्षमा कृष्ण ज्ञवाली चयन

प्रमोद पौडेल – २६ अक्टोबर, २०१५ – पासा वेष्टपोर्ट, मलेसिया । अन्तराष्ट्रिय परोपकारी संस्था सोलिडारिटी इन्टरनेशनल मलेसिया पुर्नगठन सँगै च्याप्टरको नयाँ अध्यक्षमा कृष्ण ज्ञवाली चयन भएका छन् । मलेसियाको पासा वेष्टपोर्टमा सम्पन्न भएको दोस्रो अधिवेशनले ज्ञवालीको अध्यक्षतामा नयाँ कार्यसमिति चयन गरेको हो । एस आइ मलेसियाका निवर्तमान अध्यक्ष प्रेम गौतमलाई बिश्व परिषदको उपाध्यक्षमा ताने सँगै करिब छ महिना देखी अध्यक्ष पद रिक्त थियो । नब निर्बाचित सोलिडारिटी इन्टरनेशनल मलेसियाको उपाध्यक्षमा राम प्रसाद गौतम र घन्श्याम शर्मा, सचिवमा राम प्रसाद छेत्री, कोषाध्यक्षमा गणेश भण्डारी, सह-सचिबमा कृष्ण प्रसाद गैरे चयन भएका छन् । यसैगरी सदस्यहरूमा  खगेश्वोर पाठक, मदन पौडेल, दिल बहादुर खत्री, मदन छेत्री र मन बहादुर छेत्री रहेका छन् । अधिबेशन सम्पन्न भए लगतै बसेको समितिको प्रथम बैठकले विभिन्न सामाजिक निर्णय गरेको बुझिएको छ।

जुन १५, २०१३ मा स्थापना भएको च्याप्टरले नेपालमा बिभिन्न सामाजिक कार्यक्रम सन्चालनको निम्ती सहयोग गर्दै आइ रहेको छ ।

कार्यक्रमलाई सम्बोधन गर्ने क्रममा नव निर्बाचित अध्यक्ष ज्ञवालीले मुलुक बाहिर छरिएर रहेका सम्पुर्ण समाज-सेवीहरुलाई समेट्ने योजना र प्रवासमा पनि सामाजिक अभियानमा अभिरुचि राख्ने सवैलाई एउटै छातामा समेट्ने हेतुले सोलिडारिटी इन्टरनेशनल मलेसियाको स्थापना भएको बताएका थिय ।

बिभेदपूर्ण समाजको अन्त्य गर्ने अभियानका साथ स्थापित सोलिडारिटी इन्टरनेशनलले अमेरिका, युएई, जापान, नेपाल, अष्ट्रेलिया, हङकङ लगाएतका देशहरुमा आफ्नो च्याप्टर बिस्तार गरी सकेको छ ।

त्यस्तै संस्थाले डोल्पा जिल्लामा प्रोजेक्ट होप मार्फत एक सय ब्यक्तिगत दाताहरुको सहयोगमा एक सय बालबालिकालाई पूर्ण छात्रवृत्ति प्रदान गर्ने तयारी गरीरहेको सोलिडारिटी इन्टरनेशनलका अध्यक्ष तथा प्रमुख कार्यकारी अधिकृत राजेन्द्र गौतमले जानकारी दिए ।

सोलिडारिटी इन्टरनेशनल युएईको बैठक सम्पन्न

सुरज थापा – २५ अक्टोबर, २०१५ – युएई, अन्तराष्ट्रिय परोपकारी संस्था सोलिडारिटी इन्टरनेशनल युएईले आफ्नो  मासिक बैठक सम्पन्न गरेको छ । रस अलखेमा च्याप्टरका अध्यक्ष गुरु प्रसाद ज्ञवालीको अध्यक्षतामा बसेको बैठकमा च्याप्टरको सल्लाहकार तथा सोलिडारिटी इन्टरनेशल बिश्व परिषदका रेपिड एकशन फोर्स निर्देशक बलराम शर्मा, उपाध्यक्ष लक्ष्मी पौडेल, सचिव खम केसी र कोषाध्यक्ष दिपक गौतमको उपस्थिति रहेको थियो ।

हामी नेपाललाई रुपान्त्रण भएको देख्न चाही रहेका छौ, र त्यो हामी सबैको ऐकबद्धता भए सम्भव हुने अध्यक्ष ज्ञवालीले बताए । बिदेशमा रहेका प्रत्येक नेपालीले हातेमालो जनाएर सोलिडारिटी इन्टरनेशनलको सामाजिक अभियानलाई सहयोग गरे नेपालका बिभिन्न ग्रामीण जिल्लाहरुमा परोपकारी कामहरु गर्न सकिने बिश्व परिषद रेपिड एकशन फोर्स निर्देशक बलराम शर्माले थपे । विभेदपूर्ण समाज उन्मूलनको लागि आफुहरुले चलाईरहेको अभियान उत्कृष्ट रहेको भन्दै, सो अभियानलाई थप सहयोग पुर्याउन सबैको आबश्यकता रहेको र नेपालको डोल्पा जिल्लामा सन्चालन गर्न लागेको प्रोजेक्ट होप सन्चालनको निम्ती सबैले सक्दो सहयोग गर्नु पर्ने कोषाध्यक्ष दिपक गौतम जानकारी दिए ।

त्यस्तै बैठकले रिक्त रहेको सद्स्य पदमा रमेश पौड्याललाई सर्बसम्मतले नियुक्ती गरेको छ ।

सोलिडारिटी इन्टरनेशनलको युएई च्याप्टर गठन, अध्यक्षमा ज्ञवाली

विश्वभर परिषद गठन हुँदै, संपर्कमा आउन सबैलाई आव्हान

प्रमोद पौडेल – १६ अक्टोबर: युएई, विभेदपूर्ण समाजको अन्त्य गर्ने अभियानका साथ बिभिन्न देशमा आफ्नो सन्जाल बिस्तार गरेको सोलिडारिटी इन्टरनेशनलले युएईमा पनि आफ्नो च्याप्टर गठन गरेको छ । आज युएईमा आयोजित एक कार्यक्रममा गुरु प्रसाद ज्ञवालीको अध्यक्षतामा १० सदस्यीय कार्यसमिति गठन भएको हो ।

ज्ञवालीको नेतृत्वमा गठित च्याप्टरको उपाध्यक्षहरुमा लक्ष्मी पौडेल, भिम केसी, सचिवमा खम केसी, कोषाध्यक्षमा दिपक गौतम, सह-सचिबमा केशब खत्री र सद्स्यहरुमा क्रमश नारायण न्यौपाने, टेक प्रसाद र दिपक गौतम रहेका छन भने बाँकी एक सदश्यको पद पछी पुर्ती गर्ने जानकारी गराइएको छ ।

त्यस्तै कार्यक्रममा च्याप्टरको बरिस्ठ सल्लाहकारमा नेपाली जनसंपर्क समिती युएईका अध्यक्ष चित्र केसी र सल्लाहकारमा सोलिडारिटी इन्टरनेशल बिश्व परिषदका रेपिड एकशन फोर्स निर्देशक बलराम शर्मालाई नियुक्ती गरिएको छ ।